Er du førebudd på å klare deg ei veke heime?

Er du førebudd på å klare deg ei veke heime?

Eigenberedskapen din er viktig. Sjå kva du alltid bør ha i heimen din.

Myndigheitene anbefaler at flest mogleg skal kunne klare seg sjølv i ei veke om det skjer ei krise.

Her finn du informasjon om korleis du kan styrke eigenberedskapen din. 
 Der finn du blant anna ei sjekkliste over kva du alltid bør ha i heimen.

Direktoratet for samfunnstryggleik og beredskap (DSB) anbefaler alle husstandar i Noreg å ta nokre enkle grep for å betre eigenberedskapen sin. På sikkerhverdag.no finn du konkrete råd som DSB har utarbeidd for alle innbyggjarar. 

Kvifor kjem eigenberedskapsråda no?
Pandemien og krigen i Europa gjer at eigenberedskap er meir aktuelt enn på lenge. Det kjem på toppen av allereie kjende utfordringar som cybertruslar og meir ekstremvêr. Dette kan føre til bortfall av kritisk infrastruktur som til dømes straum, vatn og mobilnett.

Vi som bur i Noreg – eit av verdas tryggaste og mest stabile land – er vande med at det meste stort sett fungerer som det skal. Det er veldig mange tenester og funksjonar vi er avhengige av for at det skal gå rundt i det daglege utan større problem. Nettopp denne avhengigheita gjer oss sårbare.

Du er ein del av beredskapen i Noreg
Sjølv om vi lever i eit trygt land, kan uønskte hendingar oppstå også hos oss. Og dersom vi blir ramma av ei stor hending eller krise, er det mange som treng hjelp.

– Ved å vere førebudd bidrar du til at dei som treng det mest, får hjelp først i ein eventuell krisesituasjon. På den måten er du ein del av beredskapen i Noreg.

Sist endra 02.07.2024 12:08

Artikkelliste

  1. Ny kommunalsjef for helse og omsorg

      Vanylven kommune har tilsett Eli Tefre Nordal som ny kommunalsjef for helse og omsorg. Som kommunalsjef vil Eli ha eit heilskapleg leiaransvar for l...
Viser 191-200 av 268 artikler, side 20 av 27