Vanylven kommune deltek i innkjøpssamarbeidet til Ålesund, men kommunen ynskjer også å ha kontroll over eigne avtalar. Vi vil derfor vurdere frå sak til sak om vi skal delta i rammeavtalar med innkjøpssamarbeidet, eller gjennomføre eigne innkjøp. For å stå betre rusta til å inngå og følgje opp eigne innkjøp, ynskjer kommunen å utarbeide ein ny innkjøpsstrategi.
Kommunedirektøren viser til at det er behov for ein innkjøpsstrategi for å kunne sikre lokale innkjøp og at kommunen sikrar nødvendig kompetanse på dette området.
Vanylven kommune har følgjande mål for innkjøpsområdet:
- auka fokus på innkjøp som verkemiddel for kommunen
- utvikling av lokalt næringsliv
- betre kontraktsstyring
- meir miljøvenlege innkjøp
- betre avtaledekning
Kommunen ber om at merknadar og innspel sendast til
postmottak@vanylven.kommune.no innan 21.mai 2024.