Vanylven kommune har som kjent blitt valt ut som ei av årets Gnist-kommunar i samband med den komande bygginga av Stad skipstunnel. Kommunen vil som ein del av dette programmet få hjelp til å utforske korleis synergiane frå skipstunnelen kan utnyttast til å gjere kommunen meir attraktiv i framtida. Kommunen er førebudd på å tenkje utanfor boksa og sjå på utradisjonelle løysingar, både fysiske og digitale. Målet er at dette skal kunne bidra til å snu utviklinga med nedgang i talet på innbyggjarar.
Ynskjer du å utforske og skape nye moglegheiter i Vanylven kommune?
Konkurransegrunnlaget er no publisert og aktørar kan sende inn tilbod seinast 11. april 2022. Éin leverandør per kommune vert valt ut og får 300 000 kroner til å kartlegge behov, ressursar og moglegheiter. Dette skal nyttast til å utvikle nyskapande idéar og konsept som kan bidra til å løyse kommunen sine utfordringar.
Vi oppmodar alle potensielle leverandørar til å delta på eit digitalt informasjonsmøte den 23. mars for å vere kjend med Gnist-kommunane og dei utfordringane dei står ovanfor.
Les meir om saka på nettstaden til DOGA.