Vanylven kommune har dei siste åra vore oppteken av å sikre nok energi til næringslivet og innbyggjarar, og har kartlagt at kommunen i framtida manglar både energi og framføring av energi.
Vanylven kommune har arrangert to fagdagar knytt til energi i 2023. Med bakgrunn i dette ynskjer formannskapet no å setje ned grupper for kunnskapsbygging innan dei ulike energikjeldene.
Vi ynskjer difor å invitere engasjerte innbyggjarar i Vanylven til å melde seg til gruppene. Ein føresetnad er at ein har eit positivt engasjement for å utgreie energikjelda for gruppa ein melder seg på. Til alle gruppene vert det tilknytt ein fagperson. Endeleg rapport skal presenterast og leverast på ny fagdag om energi i februar 2025.
Energikjeldene vi snakkar om er:
- Vasskraft
- Vindkraft
- Kjernekraft
- Solenergi
- Energiøkonomisering
Gruppene skal levere på fylgjande hovudpunkt:
- Energimengd
- Linjeføring gjennom kommunen
- Økonomi til kommunen
- Realistisk tidsperspektiv
- Grad av naturinngrep
Med bakgrunn i dei meldte interessene, vil formannskapet i møte den 28.mai setje saman gruppene og utarbeide detaljert mandat.
Frist for påmelding: 21.mai 2024 til postmottak@vanylven.kommune.no.