Vaksinering i Vanylven kommune måndag 9. november

Vaksinering i Vanylven kommune måndag 9. november

Vanylven kommune inviterer til influensavaksinering måndag 9. november 2026 i kommunestyresalen på Fiskå.

Influensavaksinen og koronavaksinen er særleg viktig for personar som har auka risiko for alvorleg sjukdom ved influensasmitte. Vi oppmodar alle som høyrer til risikogruppene om å vaksinere seg.

Tid og stad

Stad: Kommunestyresalen på Fiskå

Dato: Måndag 9. november 2026

For å sikre ei god gjennomføring har vi delt inn dagen etter bustadområde:

  • Kl. 09.00–12.00: Fiskå, Eidså og områda rundt Hovda
  • Kl. 12.00–15.00: Åheim, Syvde, Rovde og områda rundt
  • Kl. 15.00–17.00: Ope for innbyggjarar frå alle område

Prisar

  • Influensavaksine: 300 kroner
  • Koronavaksine: 100 kroner
  • Pneumokokkvaksine (Prevenar 20): 100 kroner for personar fødde i 1960 og 1961, etter gjeldande kriterium

Kven bør ta influensavaksine?

Folkehelseinstituttet tilrår influensavaksine til personar som har auka risiko for alvorleg sjukdom og komplikasjonar ved influensa.

Følgjande grupper er særleg tilrådde å vaksinere seg:

  • Alle personar frå fylte 65 år
  • Bebuarar i omsorgsbustader og sjukeheimar
  • Gravide i 2. og 3. trimester, og gravide i 1. trimester med annan tilleggsrisiko
  • Prematurt fødde barn, særleg barn fødde før svangerskapsveke 32, frå 6 månader til 5 år

Barn og vaksne med følgjande sjukdommar eller tilstandar:

  • Kronisk lungesjukdom, inkludert astma
  • Hjarte- og karsjukdom, med unntak av velregulert høgt blodtrykk
  • Diabetes type 1 og type 2
  • Lever- eller nyresvikt
  • Kronisk nevrologisk sjukdom eller skade, særleg ved redusert lungekapasitet eller hostekraft
  • Nedsett immunforsvar som følgje av sjukdom eller behandling
  • Svært alvorleg fedme (KMI over 40)
  • Annan alvorleg eller kronisk sjukdom der influensa kan medføre særleg helserisiko, etter individuell vurdering frå lege

Vaksinen er også tilrådd for:

  • Helsepersonell og andre tilsette i helse- og omsorgstenesta som har nær pasientkontakt
  • Personar som bur saman med, eller er tilsvarande nære, personar med nedsett immunforsvar
  • Svinerøktarar og andre med regelmessig kontakt med levande grisar
  • Personell som arbeider med sanering av mistenkt eller stadfesta influensasjuk tamfugl

Kvifor er det viktig å vaksinere seg?

Influensa kan føre til alvorleg sjukdom, særleg hos eldre og personar med kroniske sjukdommar. Vaksinasjon reduserer risikoen for alvorleg sjukdom, komplikasjonar og sjukehusinnlegging.

Vi ønskjer alle som er i målgruppene, velkomne til vaksinasjon!

Vanylven kommune – Kommuneoverlegen