Digitalt folkemøte

Det vil haldast digitalte folkemøte i løpet av høyringsperioden for planprogrammet – dato for møte vil annonserast på heimesida.

Fokusgruppe - vil du vere med?

I samband med utarbeidinga av kommuneplanens arealdel skal kommunen opprette fokusgruppe. Dette er ein medverknadsmetode der folk frå kommunen, innbyggarar, næringsaktørar, interesseorganisasjonar og andre samlast til jamlege møte der ein diskuterer eitt eller fleire tema knytte til ein plan. Målet er at ulike personar med ulik bakgrunn og ulik innfallsvinkel saman dykkar ned i eit tema for å diskutere dagens situasjon, moglegheiter, utfordringar og korleis ein ønsker at det skal bli i framtida. Fokusgruppa vil møtast omlag annakvar månaden i starten – alle førebuingar, møteinnkallingar, referatskriving og så bort etter blir gjorde av kommunen.

Om du har lyst til å vere med i ei slik gruppe, ber vi deg om å ta kontakt med oss på e-post: postmottak@vanylven.kommune.no. Merk emnet i e-posten med "Fokusgruppe - arealdelen". Gjerne presiser kva tema du er spesielt interessert i.