Innspel til frivillegsentralen
Det arbeidast no med å opprette ein frivillegsentral i Vanylven og arbeidsgruppa ønskjer innspel frå innbyggjarane i kommunen.
Arbeidsgruppa består av ein representant frå kultur og oppvekst, helse og omsorg, ungdomsrådet, eldrerådet/råd for funksjonshemma og røde kors som er den største frivillege lag og organisasjonen vi har i kommunen.
Før sentralen er oppe å går må ein ha på plass:
- eit fysisk lokale
- tilsettast ein leiar for frivillegsentralen
- opprettast eit styre
- planleggjast kva aktivitetar og anna frivillegsentralen skal vere ein pådrivar for.
Derfor ønskjer ein at alle som vil kan kome med innspel og forslag til neste arbeidsgruppemøte i midten av mars.
Ein kan til dømes kome med innspel og forslag til:
- aktivitetar
- lokale
- foreslå medlemmar som kan sitje i eit styre
- om ein har behov for hjelp av ein frivillegsentral
- kva ein ønskjer frivillegsentralen i Vanylven skal vere
- kva ein kan bidra med som frivilleg eller andre ting som kan vere viktig å ta med i opprettinga av frivillegsentralen
Alle innspel blir tatt opp i arbeidsgruppa for vidare planlegging og oppretting av sentralen.
Publisert 20.02.2023 16:00
Sist endra 20.02.2023 16:00