Innleiing

Vanylven kommune er i gang med revisjon av gjeldande kommuneplan sin arealdel. Gjeldande arealplan er frå 2012. Kommunen har lyst ut dette arbeidet til eksterne og det er plankonsulent ABO Plan & Arkitektur Stord AS, i samarbeid med Nordplan som har fått dette oppdraget. 

ABO plan og arkitektur laga ei visualisering av merknadar til arealplanen, som er å finne her:

Lenkje til merknadskart med digitaliserte innspel til arealplan:

https://experience.arcgis.com/experience/d1a102f6d39f4aa19d959b721ec43632

Framdrift - Kva har vi gjort til no?

1. Utarbeiding av fagnotat og faktagrunnlag
   Det er utarbeidd fagnotat og faktagrunnlag i høve næring, senterstruktur, bustadar, oversikt møtestadar, samanhengane naturområde med tilhøyrande kart.
    
2. Handtering av innspel til planen
   Hausten 2025 har det vore høyringsrunde, og det har kome inn omlag 130 innspel til ny arealplan. Desse innspela har blitt systematisert i ei merknadshandsaming med ei fagleg vurdering for ei “grovsiling” av innspela som er innkomne.
    
3. Planvask av arealplan
   Det har blitt jobba med planvask av kommuneplanens arealdel og dette arbeidet held fram. Planvask inneber ein grundig gjennomgang, vurdering og dokumentasjon av kvart enkelt areal/ reguleringsplan. Planvask er å revidere arealplan ved å vurdere kva eit område skal nyttast til, evt. endre kva eit område skal nyttast til og vurdere korleis det kan byggjast i eit område. 
                
4. Politisk orientering og forankring gjennom prinsippvedtak
   Formannskapet er styringsgruppe for arbeidet med revisjon av arealplan. 
   Plankonsulent møtte digitalt i formannskapsmøte i februar for å orientere om arbeidet og svare på spørsmål. 
   Formannskapet gjorde i møte den 10.02.2026 følgjande prinsippvedtak: 
   "Arbeidet som er gjort hittil i prosessen med ny arealdel til kommuneplan vert teke til vitande.
   Grovsilinga er ei fagleg tilråding frå plankonsulent ABO og det er kommunen som må avgjere politisk kva areal som skal konsekvensutgreiast
   Innspel som i trafikklysanalysa er farga grøn går vidare til konsekvensutgreiing omgåande
   Det vert i starten av neste formannskapsmøte 24.03.26 arrangert eit arbeidsmøte for vidare siling og tilråding av resterande innspel som også skal til konsekvensutgreiing. Vedtak om dei innspela vert gjort i sjølve formannskapsmøte same dag".
   Sjå sakshandsaminga her. 
    
   Merk! Eit prinsippvedtak er ikkje eit juridisk bindande planvedtak, men det klargjer dei overordna føringane som politikarane ynskjer at planen skal byggje på. 

Framdrift - kvar er vi no?

I denne fasen vert det jobba med fylgjande:

• Planvask av arealplan held fram. 
• Konsekvensutgreiing (KU) av 14 innspel (formannskapsvedtak 10.02.2026). 
• I formannskapsmøte 24.03.2026 vert følgjande vedteke:
  "Planvask i samband med kommuneplanen sin arealdel vert utsett til neste møterunde. Det vert då arrangert arbeidsmøte om planvasken både i formannskap og kommunestyre.
  I tillegg til vedtak i formannskapssak 20/26 om konsekvensutgreiing av innspel merka grønt i innpelsmatrisa, vedtek formannskapet konsekvensutgreiing av fylgjande innspel:

1. 36-2 - Per Halsebakke på vegne av grunneigarar. 
2. 45    - Magne Johnny Sætre og Trude Sætre
3. 48    - Ragnhild H. Eidsaa
4. 53    - Strandtun eigedom as v/ Magne Holsvik
5. 60    - Pål Kristian Vedeld
6. 68    - Ann Elin Røys
7. 70    - Lillian Nystøl Årsheim, Gustav Landsverk, Terese Nystøyl og Kai Sindre Nystøyl
8. 88 og 23 - Gisle Ivar Thunem
9. 91-1 - Bjarne Sætrenes – Gusdalen
10. 96-2 og 96-3 - Asgeir Sætrevik
11. 100-11 og nr 18 - Vanylven utvikling - Thue krysset på Åheim. 
12. 102  - Bjarne Vik
13. 107  - Andre Bøstrand
14. 112  - Per Roar Gjerde"