Kva er Vigilo?
Vigilo er eit komplett oppvekst- og administrasjonssystem (OAS) som skal dekke behova oppvekstsektoren har for å kunne administrere barnehagar, skular og SFO.
I Vigilo kan kommunen ta imot søknader om barnehageplass og SFO-plass, søknader om redusert betaling og fakturahandtering.
Kommunale skular bruker Vigilo til administrasjon av skulekvardagen, som til dømes plassering av elevar, timeplanar, fråværsregistrering, karakterar og vitnemål.
Digital kommunikasjon
Kommunikasjonsmodulen er ein eigen del av Vigilo som vert nytta for digital kommunikasjon mellom heim og barnehage, skule og SFO.
Kommunikasjonen i Vigilo går føre seg bak sikker innlogging, og erstattar mindre sikre kommunikasjonsplattformer som e-post, SMS og ranselpost. Ved å bruke ei lukka løysing er kommunen i stand til å behandle personopplysningar på ein forsvarleg måte, og bidreg også til å sikre at dei tilsette kan halde teieplikta (forvaltningslova § 13).
Korleis kome i gang?
Du har tilgang til kommunikasjon og informasjon gjennom Vigilo foreldreportal og Vigilo app.
Vigilo foreldreportal
Du loggar deg inn i Vigilo foreldreportal via ID-porten, på sida https://www.vigilo.no/vanylven/.
Foreldreportalen er tilgjengeleg både på PC og i nettlesar på smarttelefon eller nettbrett.
I foreldreportalen kan du få siste nytt
- Der finn du påmeldingar som skulen, SFO eller barnehagen har oppretta
- Du kan sende og motta meldingar til skulen, SFO eller barnehagen
- Du kan få fråværsoversikt eller melde fråvær
- Du kan svare på samtykker som skulen eller barnehagen har oppretta
- Du kan sende søknadar om t.d. SFO plass, permisjon frå skulen, redusert foreldrebetaling, endring av SFO plass, oppseiing SFO eller barnehage
- Du kan sjå timeplanen, publiserte merknader i orden og åtferd og vurderingar for dine born i skulen
Sjå også hjelpeartikkel for innlogging i foreldreportalen i Vigilo hjelpesenter.
Vigilo app
Vigilo app er eit tillegg til foreldreportalen på nett. Du lastar ned appen gratis på App Store (iOS), Google Play (Android) eller App Gallery (HarmonyOS).
Første gongen du loggar deg inn gjer du det via ID-porten. Du må då opprette ei firesifra PIN-kode som du skal bruke når du loggar deg inn neste gong. Alternativt kan du aktivere biometrisk innlogging.
I appen får du nyhende og kunngjeringar frå skulen, SFO eller barnehagen
- Du kan melde inn fråvær til skulen, SFO eller barnehagen
- Du kan sende og motta meldingar til skulen SFO eller barnehagen
Sjå også hjelpeartikkel om nedlasting og innlogging i Vigilo app i Vigilo hjelpesenter.
Korleis ser Vigilo ut
Tilsette, elevar og føresette har ulike portalar der relevant informasjon vert tilgjengeleg. Tilsette har berre tilgang til informasjon om barn dei er tildelt (for eksempel undervisningsgruppe, avdeling i barnehage og liknande). Føresette kan logge inn i nettportal eller bruke app for å sjå informasjon om eigne barn i barnehage og grunnskule.
Vigilo | Hjelpesenter er ei god kjelde til meir informasjon om korleis systemet ser ut og fungerer.
Behandling av personopplysningar
Vanylven kommune samlar inn og behandlar personopplysningar som vi treng for å utføre lovpålagde oppgåver knytt til opplæringslova.
Vigilo hentar opplysningar om barn i Vanylven kommune og deira føresette, i tillegg til opplysningar knytt til barn som har barnehage-/skuleplass i Vanylven kommune.
Opplysningane vert henta frå Folkeregisteret (FREG) og frå Kontakt- og reservasjonsregisteret (KRR). Dette inkluderer opplysningar som namn, fødselsnummer, e-postadresse, familierelasjonar og bustadadresse. I tillegg behandlar kommunen opplysningar som vert registrert av tilsette ved barnehage/skulen og SFO. Kontakt- og reservasjonsregisteret er ei fellesløysing som alle offentlege verksemder skal bruke.
Du kan sjølv endre opplysningar i folkeregisteret og Kontakt- og reservasjonsregisteret. Verken skulen eller kommunen sentralt kan gjer dette for deg
Kva rettar har du?
Når personopplysningane om deg vert samla inn og brukt, har du ei rekke rettar etter personopplysningslova og personvernforordninga.
Innsyn i personopplysningar (personvernforordninga artikkel 15)
Når kommunen behandlar personopplysningar om deg, har du rett til å vite kva opplysningar som vert behandla, kva opplysningane vert brukt til og kor lenge dei vert lagra.
Retting av personopplysningar (personvernforordninga artikkel 16)
Dersom opplysningane kommunen har om deg er feil, har du rett til å få korrigert dei. Det gjeld også dersom kommunen ikkje har fullstendige opplysningar om deg.
Sletting av personopplysningar (personvernforordninga artikkel 17)
Du kan ha rett til å få sletta opplysningane om deg sjølv. Dersom du meiner kommunen behandlar informasjon om deg som ikkje er nødvendig, kan du be om at denne informasjonen vert sletta. Dette gjeld ikkje dersom opplysningane skal oppbevarast etter anna lovverk, for eksempel arkivlova.
Avgrensa behandling av personopplysningar (personvernforordninga artikkel 18)
I visse tilfelle kan du kreve at behandlinga av personopplysningar vert avgrensa. Dette kan for eksempel skje om du meiner at personopplysningane dine ikkje er rett, og at det vil ta tid for kommunen å vurdere dette.
Protest mot behandling av personopplysningar (personvernforordninga artikkel 21)
Du kan protestere på at kommunen behandlar opplysningar om deg. Retten gjeld ikkje dersom kommunen er pålagt gjennom lov å behandle opplysningane.
Kontakt
Ta kontakt med barnehagen eller skulen om du har spørsmål om Vigilo.
Treng du hjelp med det tekniske? Kontakt Vigilo | Hjelpesenter.
Tilgjengelegheitserklæring for app
Treng du hjelp med det tekniske? Kontakt Vigilo | Hjelpesenter.