Føremålet med planarbeidet er:

• Å detaljregulere Fiskåholmen slik gjeldande områdeplan krev.
• Å utvide området for utfylling i sjø nordvest for Fiskåholmen slik at havbotn kan hevast til kote -10 og dermed vere meir føremålsteneleg for framtidig næringsutvikling i område.

Å sjå på moglegheitene for å utvide næringsområdet og/eller småbåthamna søraust for Fiskåholmen.

Med bakgrunn i Forskrift om konsekvensutredninger vurderer Vanylven kommune at tiltaket kan få vesentlege verknadar for miljø- og samfunn. Forholda som innleiingsvis er identifisert for konsekvensutgreiing er: Trafikk (på land og sjø), naturmangfald, friluftsliv og landskapsverknadar. Referansealternativet for vurderingane vil vere gjeldande områdeplan for Fiskåholmen, vedtatt i 2018.

Innspel til planarbeidet kan sendast med e-post til: postmottak@vanylven.kommune.no innan 10.03.2022. Kontaktperson hos Vanylven kommune er kommunalsjef teknisk Helge Kleppe, tlf: 70030071.

Når det er utarbeidd forslag til reguleringsplan vil denne bli lagt ut til offentleg ettersyn i 6 veker. Dette vil bli annonsert i Synste Møre, og grunneigarar og aktuelle myndigheiter vil bli varsla per Altinn/brev/e-post.