Reiseliv - Opplev Vanylven
Vanylven er ei perle ved havet der du finn alle typar av natur på på eit lite geografisk område. Vi har stort mangfald å by på. Du kan fiske i fjordane, elvane eller fjellvatna. Du kan nytte dei mange fjellvegane som utgangspunkt for opplevingsrike turar i lett fjellterreng, gå på mineraljakt eller nyte den varierte flora og fauna i Vanylven.
Vanylven ligg ut mot havet, heilt sør i Møre og Romsdal, mot grensa til Sogn og Fjordane. Det er ca 2 timar reisetid til Ålesund i nord, ca 1 time til Volda/Ørsta i aust, og ca 1 time til Måløy og Nordfjordeid i sør. Vanylven besår av mange små bygder, der dei største er Rovde, Syvde, Eidså, Åram, Fiskåbygd, Syltefjord, og Åheim.
Vanylven er eit flott utgangspunkt for dagsturar til kjende turistattraksjonar som Vestkapp, Selje Kloster, Nordfjord, Stryn Sommarskisenter, Briksdalsbreen, fuglefjellet på Runde, Jugendbyen Ålesund, Geiranger og Sunnmørsalpane.
|
|
|
|