Ledig stilling som innkjøpsrådgjevar
Kommunane på Søre Sunnmøre, Volda, Ørsta, Herøy, Sande, Ulstein, Vanylven og Hareid har oppretta felles innkjøpssamarbeid. Samarbeidet har heil stilling som innkjøpsrådgjevar. Denne stillinga er no ledig.
StillingsID 203
Ansvars- og arbeidsområde :
· dagleg ansvar for innkjøpssamarbeidet
· gjennomføre konkurransar, opprette og vedlikehalde felles avtalar
· koordinere kommunane sine innkjøp
· rådgjeving
· medverke til kompetanseheving i kommunane
· vidareutvikle kommunesamarbeidet innafor innkjøp
· sekretær for styret
Vi søkjer etter ein person med :
· relevant utdanning på høgskule- eller universitetsnivå
· god innkjøpsfagleg kompetanse
· gode samarbeidseigenskapar
· evne til å kommunisere både munnleg og skriftleg
· evne til å ta initiativ og arbeide sjølvstendig og systematisk
· evne til fleksibilitet
Vi tilbyr :
· varierte, spennande og utfordrande arbeidsoppgåver
· løn etter avtale i høve kvalifikasjonar og kompetanse
· god pensjonsordning
Stillinga vil administrativt verte lagt til ei av dei 7 kommunane i innkjøpssamarbeidet. Denne kommunen vert vertskommune og får arbeidsgjevaransvaret. Rådmannen i vertskommunen har det daglege leiaransvaret. Samarbeidet har eit styre samansett av rådmennene som har ansvar for oppfølging av samarbeidsavtalen.
Tilsetjinga skjer på dei vilkår som går fram av gjeldande tariffavtale, lover og reglement.
Det må påreknast noko reiseaktivitet, slik at den som vert tilsett, må disponere bil.
For nærare opplysningar, ta kontakt med Rådmannen i Vanylven kommune, Gudmund Sandnes, telefon 700 30003 eller innkjøpsrådgjevar Hallvard Takset,
tlf 911 83398.
Søknad skal sendast på kommunen sitt søknadsskjema. Skjemaet finn du til høgre på sida her.
Cv skal fyllast inn i søknaden. Kopi av attestar og vitnemål skal leverast ved førespurnad. Gje opp stillingsID i søknaden. Gjer vel å gje opp referansar.
Søknadsfrist : 23. november 2011.