Siem Offshore viktige for Vanylven
Ordføraren har teke initiativ til eit dialogmøte med SIEM Offshore og statssektretær Rikke Lind i Nærings- og handelsdepartementet (NHD).
Målsetnaden med møtet er å gjere greie for den prekære situasjon Vanylvssamfunnet har hamna i når over 30% av dei private kompetansearbeidsplassane i kommunen ser ut til å bli fjerna. Han har saman med rådmannen utarbeidd eit utkast til virkemiddelpakke som grunnlag for drøftingar med statlege styresmakter og bedriftsleiinga. –Heile tida med eit utviklingsfokus for Vanylven og regionen, og med respekt for dei roller og mandat dei ulike partane har i denne saka.
Basert på drøftingane i dialogmøtet skal kommuneleiinga også møte Kommunal- og regionaldepartementet i Oslo ved statssekretær Jan Erik Bartnes saman med NHD og SIEM Offshore. –Saka er av nasjonal interesse og statsrådane i begge departement har bede om å verte haldne orientert om utviklinga, seier Helgøy.
Han ser fram til å treffe beslutningstakarar frå statleg hald og i SIEM-konsernet. –Målet er å kome styrka ut av dette i eit langsiktig perspektiv, seier han
Einar Vik Arset